Tirsdag 30 Juli 2024

Dikt av Aasmund Olavsson Vinje

Aasmund Olavsson Vinje døydde 30. juli 1870 på Presteenkesetet Sjo og vart gravlagd på Granavollen. Hadeland dialekt- og mållag vil heidre diktaren som enda sine dagar hos sin gode ven kapellan Bang, som han søkte til då han kjende livet ebba ut. "Gravferda var onsdag 3. august ved Gran kyrkje, slik Vinje hadde ønskt", skriv Olav Vesaas i "A.O. Vinje, Ein tankens hærmann". I samarbeid med Kirken i Gran markerar vi dødsdagen med samling ved grava hans kl. 1800. Der vil Gunvor Raastad og Kari Røken Alm lese frå forfattarskapet hans og legge ned blomekrans ved bautasteinen. Blir det regnver, går vi inn i Mariakyrkja.